اردو، انگلش اور ہندی میں تَب ہی کے معانیدیکھیے

تب ہی اردو میں عموماً ’’تبھی‘‘ کو ترجیح ہے، اور اسے تاکید کے لئے استعمال کرتے ہیں۔ لیکن ان دنوں اسے صرف ’’تب‘‘ یا ’’اس وقت‘‘ کے معنی میں لکھا جانا ہے۔ یہ بالکل نامناسب ہے: غلط اور نامناسب: اس کا بچہ گھر سے اسکول جا رہا تھا، تب ہی اسکوٹر نے اسے ٹکر ماردی۔ غلط اور نامناسب: وہ گھرپہنچا اور تب ہی فون کی گھنٹی بجنے لگی۔ صحیح اور مناسب:۔۔۔ اس وقت۔۔۔/۔۔۔کہ۔۔۔ صحیح اور مناسب:۔۔۔اور فون کی گھنٹی۔۔۔/اس کے گھر پہنچتے ہی فون کی گھنٹی۔۔۔ صحیح اور مناسب: پہلے سبق یاد کرو، تبھی کھانے کو دوں گی، اس کی ماں نے کہا۔ غلط اور نامناسب: میں راستہ ڈھونڈ رہا تھا، تب ہی ایک راہگیر نے میرا ہاتھ تھاما۔ صحیح اور مناسب:۔۔۔اس وقت/تب۔۔۔/۔۔۔کہ۔۔۔

ماخذ: لغات روز مرہ    
مصنف: شمس الرحمن فاروقی