اردو، انگلش اور ہندی میں بَلائے کے معانیدیکھیے

بلائے الف پر ختم ہونے والے کئی لفظ فارسی میں ہیں، جن میں حسن یا مزید زورکی خاطر یائے تحتانی کا اضافہ کردیتے ہیں۔ اس اضافے سے لفظ کے بنیادی مفہوم میں کوئی فرق نہیں پڑتا۔ عموماً اردو میں ایسا نہیں ہے۔ لیکن بعض ایسے استعمالات فارسی سے اردو میں بھی آگئے ہیں اور بعض الفاظ میں اردو والوں نے ایسا اضافہ خود ہی کردیا ہے۔ چنانچہ’’بلا‘‘، جو عربی ہے، پورب میں عورتوں کی زبان پرتحتانی کے اضافے کے ساتھ’’ بلائے‘‘ رائج ہے۔ میرے بچپن میں جب کوئی لڑکا کسی ساتھی سے کہانی سنانے کی فرمائش کرتا تو اکثر یہ مصرعے بھی پڑھتا ؎ کہو کہانی سردی جائے جاڑا پالا بری بلائے دیکھئے، ’’الائے بلائے‘‘، ’’ جائے‘‘، ’’ دریائے‘‘، ’’یائے زائدہ‘‘۔

ماخذ: لغات روز مرہ    
مصنف: شمس الرحمن فاروقی