اردو، انگلش اور ہندی میں اُونْٹ کے گَلے میں بِلّی کے معانیدیکھیے

ایک آدمی کو اپنے اونٹ کی شرارت پر بہت غصہ آیا اور قسم کھا بیٹھا کہ حرامزادے میں تجھکو دس روپے بدل بیچ ڈالوں گا۔ جب قسم پوری کرنے کا ارادہ کیا۔ تو دل میں بہت پشیمان ہوا۔ اگر قسم پوری نہیں کرتا ہوں تو کیا تعجب ہے کہ خدا کے غضب میں مبتلا ہو جاؤں۔ جو پوری کرتا ہوں تو سخت مالی نقصان ہے۔ ایک تدبیر اس کی سمجھ میں آئی۔ اس نے یہ کیا کہ ایک بلی پکڑی اور اسی سے باندھ اونٹ کے گلے میں لٹکا دی۔ بازار میں اونٹ کا سودا کرنے چلا۔ جو کوئی اونٹ کی قیمت دریافت کرتا اس سے کہتا کہ اونٹ دس روپے میں ہے، اور بلی سو روپے کو ان دونوں کا سودا ساتھ ہوگا۔ اس طرح اونٹ کی قیمت پوری وصول ہو گئی۔ اور اپنے خیال میں قسم کے توڑنے کے عذاب میں بھی مبتلا نہیں ہوا۔ بھائیو! دیکھو کہیں ایسا نہ کر بیٹھنا کہ آدمیوں کو دھوکا دیتے دیتے خدا کو بھی دھوکا دے بیٹھو۔ وہ دھوکے میں آنے والی اسامی نہیں۔