اردو، انگلش اور ہندی میں پاٹ کے معانیدیکھیے

اسم، مذکر

• (کشتی رانی) کشتی کے دو منزلہ چھت یا تختوں کا فرش جو مسافروں کے چلنے پھرنے اور ہوا خوری کے کام آتا ہے .
• پٹرا ، چوکی ، تختہ ، پَلّا ، پیڑھا .
• چوڑائی ، عرض (کپڑے یا دریا وغیرہ کا) .
• ریشم ، بٹا ہوا ریشم ، نکھ .
• وہ مٹی کے پشتے جو کن٘واں بناتے وقت اس لیے رکھتے ہیں کہ کن٘ویں کی دیواریں بیٹھ نہ جائیں .
• (اقلیدس) وہ نقطہ جہاں عمود یا کسی اور شکل کے پہلو بڑھا کر ملائے جائیں یا اس ملاپ سے بننے والی شکل .
• (مغربی ہند) زوجہ یا بیوہ کی دوسری شادی .
• اناج کی بوری یا بوجھا .
• باغ یا کھیت کا ٹکڑا یا حصہ ، تختۂ چمن .
• بیلوں کی ایک بیماری جس سے ان کے رؤوں سے خون بہتا ہے .
• پٹ سن ، جوٹ ، سن .
• تالاب یا ندی سے کھود کر نکالی ہوئی شاخ ، کاریز .
• دروازے وغیرہ کے دو حصوں میں سے ہر ایک ، پٹ .
• سبق ، قرات ، تلاوت ، جاپ ، ورد ، وظیفہ (ہندوؤں کی مقدس کتابوں یا تعلیم کے لیے مستعمل) .
• مسند حکومت ، تخت شاہی ، سن٘گھاسن (بیشتر راج کے ساتھ) .
• کپڑوں کو تہ کرنے اور قرینے سے رکھنے کا عمل .
• چونا چکی کے گرنڈ (چونا پیسنے کی نالی) کے اندر کی مدور و مسطح جگہ جس کے مرکز پر چکی کی لاٹ کی میخ ہوتی ہے .
• ریشم کے کیڑے کی ایک شکل .
• گویے کی آواز کی بلندی ، الاپ ، اون٘چا سر ، بلند آواز .
• لکڑی کا چکر جو کن٘ویں کی دیوار سے نیچے کن٘ویں میں گرنے سے روکنے کے لیے رکھتے ہیں .
• کھویے (کشتی راں) کے بیٹھنے کی جگہ جہاں سے وہ چپو چلاتا ہے .
• چکی کے دونوں پتھروں میں سے ہر ایک .
• ریشمی کپڑا ؛ ریشمی کیڑے کا کویا ، ابریشم کا کویا .
• مردن٘گ کے چار بولوں میں سے ایک .
• وہ پتھر یا پٹڑا جس پر دھوبی کپڑے دھوتے ہیں ، پاٹا .
• کولھو کی وہ لکڑی جہاں بیل ہان٘کنے والا بیٹھتا ہے .
• کولھو یا بیلن کا وہ حصہ جس سے بیل بان٘دھے جاتے ہیں .
• وہ لکڑی کا لٹھا جو کن٘ویں کے من٘ھ پر رکھتے ہیں اور اکثر پانی کھین٘چنے والا اس پر پان٘و رکھتا ہے .
• (زراعت) لکڑی کے وہ ٹکڑے جو کڑھے کے چھید میں ہریس (ہل کی لمبی لکڑی) کے نیچے اور اوپر لگے ہوتے ہیں ، پاٹی
• ۔(س۔ پٹ بچھانا فرش کرنا۔) مذکر۔۱۔ دریا کی چوڑائی۔ ؎ ۲۔ کپڑے کا عرض۔؎ ۳۔ چکی کا پتھر اوپر کا خواہ نیچے کا۔ ع ۴۔ تخت ،گدی۔ (فقرہ) حضرت ابراہیم ادہم راج پاٹ چھوڑ کر فقیر ہوگئے، اس معنی میں راج کے ساتھ مستعمل ہے۔ ۵۔ دھوبیوں کے کپڑے دھونے کا پتھر یا پٹرا۔بیشتر اس کو پاٹا کہتے ہیں۔۶۔ کولھو کا وہ حصہ جس پر بیل ہانکنے والا بیٹھتا ہے۔۷۔ لکڑی کا وہ لٹھا جو کنوئیں کے منھ پر پانی کھینچنے کے واسطے رکھتے ہیں۔ ۸۔ پٹرا۔ چوکی۔ تختہ۔۹ ۔ آواز کی بلندی۔ اونچا سُر۔ ۱۰۔ حصہ جیسے دو پٹے کے دو پاٹ۔ دروازے کی جوڑی کے دو پاٹ۔ چکی کے پاٹ۔ دروازے کی جوڑی کے لئے بیشتر پٹ ہی کہتے ہیں۔ ۱۱۔ (انگ) مذکر۔ پاخانے کا طشت۔ چوکی۔ پاٹ دار آواز۔ صفت۔ بلند آواز۔ دور تک جانے والی آواز۔؎ پاٹ دینا۔۱ افراد سے کوئی چیز ڈال دینا۔ ڈھیر کردینا۔؎ ۲۔ کسی کو زر و مال دے کے مالا مال کردینا۔۳۔ چھت چھانا۔ پاٹنا۔(ھ) ۱۔ڈھانکنا۔ چھانا۔ ۔ع پھولوں سے پاٹ دے نہ کہیں، باغباں مجھے (امانت) ۲۔ ریل پیل کرنا۔ مالا مال کردینا۔؎ ۔۳۔گڈھے کو بھرنا۔ برابر کرنا۔؎ ۴۔ چھت بنانا۔ بند کرنا۔ (فقرہ) یہ کمرہ بھی پاٹ دو۔ ۵۔ ڈھیر لگانا۔ (فقرہ) تم نے شلجموں سے بازار پاٹ دیا۔