اردو، انگلش اور ہندی میں مَسْجِدِ نَبْوی کے معانیدیکھیے

اسم، مؤنث

• وہ مسجد جو مدینہ طیبہ میں پیغمبر صاحب کے مزار کے متصل ہے، وہ مسجد جو حضور سرورِ کائنات صلی اللہ علیہ وسلم نے ہجرت کے بعد مدینہ شریف میں تعمیر فرمائی، مدینہ منورہ میں تشریف آوری پر حضور صلی اللہ علیہ وسلم کی اونٹنی ایک غیر افتادہ زمین پر بیٹھ گئی تھی اس زمین کے قریب حضرت ابو ایوب انصاریؓ کا مکان تھا، آپ صلی اللہ علیہ وسلم نے انھیں کے گھر قیام فرمایا اور وہ ناہموار غیر افتادہ زمین جو دو یتیم لڑکوں کی ملکیت تھی، آپ صلی اللہ علیہ وسلم نے ان یتیم بچوں سے خرید کر مسجد کی تعمیر کا کام شروع کیا اور خود بہ نفس نفیس تعمیر کے کام میں شریک ہوئے، مسجد کے متصل چند حجرے بنائے گئے، آپ صلی اللہ علیہ وسلم کی زوجہ مطہرہ اُم المومنین حضرت عائشہ صدیقہ ؓ انھیں میں سے ایک حجرے میں رہنے لگیں، اسی میں حضور صلی اللہ علیہ وسلم نے وصال فرمایا اور وہیں تدفین عمل میں آئی، آپ صلی اللہ علیہ وسلم کا روضہ انوربھی اب مسجد نبوی کے اندر ہے اور آپ صلی اللہ علیہ وسلم کے برابر حضرت ابوبکر صدیق ؓ اور حضرت عمر فاروق ؓ کے مزار مبارک بھی ہیں، اب اس مسجد کو بہت وسعت دی جا چکی ہے، حرم شریف