ڈھول سے متعلق کہاوتیں

آیا کُتّا کھا گیا تُو بَیٹھی ڈھول بَجا

بے پروائی اور غفلت کے باعث نقصان ہو گیا

ٹولن میں گھر ٹول بَھلا، سَب باجَن میں ڈھول بَھلا

سب جگہوں سے اچھی جگہ گھر ہے اور سب باجوں میں اچھا ڈھول ہے

جَنتی نہ ڈھول بجتا

سب اپنا ہی کیا دھرا ہے

جَہاں بَجے ڈھول وَہاں کَھڑے بَہْلول

جو شخص بغیر بلاوا یا دعوت تقریبات میں ہر جگہ پہنْچ جائے اس کے بارے میں کہتے ہیں

چور چوری کَر گَیا، مُوسلوں ڈھول بَجا

اس قدر بد انتظامی ہے کہ چور کھلم کھلا چوری کرتے ہیں

ڈھول باج دَمامے باجے

پہلے جو بات تھوڑے لوگوں کو معلوم تھی وہ اب بہت کو ہو گئی

ڈھول سے کھال بھی گَئی

جو کچھ باقی رہا تھا وہ بھی جاتا رہا

ڈھول کی آواز دُور سے سُہانی مَعلُوم دیتی ہے

رک : دُور کے ڈھول سہانے

ڈھول نَہ دَف ہَر ہَر گِیت

حیثیت کُچھ نہیں کام بڑا کرنا چاہتے ہیں.

سائِیں سے سانچی رَہوں باج باج رے ڈھول، پَنچَن میں میری پَت رہے سکھیاں میں رہے بول

عورت کو چاہیے کہ خاوند کی نظروں میں سچّی رہے کیونکہ اسی طرح لوگوں میں اس کی عزت اور سہیلیوں میں اس کی اہمیت ہوتی ہے

سُن رے ڈھول، بَہُو کے بول

بڑے زبان دراز اور زن مُرید کی نسبت بولتے ہیں

کھچڑی چلی پکاون کو چرخہ دیا جلا، آیا کتا کھا گیا تو بیٹھی ڈھول بجا

کھیر پکائی جتن سے چرخہ دیا جلا، آیا کتا کھا گیا تو بیٹھی ڈھول بجا

پھوہڑ اور احمق آدمی ہر کام میں نقصان اٹھاتا ہے

نَہ جَنْتی، نَہ ڈھول بَجتا

۔ ۲۔ نہ بُرے کام کرے نہ بدنامی ہو