hai mohabbat aisī bañdhī girah jo na ek haath se khul sake

koī ahd toḌe kare daġhā mirā farz hai ki vafā karūñ

hai mohabbat aisi bandhi girah jo na ek hath se khul sake

koi ahd toDe kare dagha mera farz hai ki wafa karun

yaad haiñ aap ke toḌe hue paimāñ ham ko

kījiye aur na sharminda-e-ehsāñ ham ko

yaad hain aap ke toDe hue paiman hum ko

kijiye aur na sharminda-e-ehsan hum ko

likhā thā ek taḳhtī par koī bhī phuul mat toḌe magar āñdhī to an-paḌh thī

so jab vo baaġh se guzrī koī ukhḌā koī TuuTā ḳhizāñ ke āḳhirī din the

likha tha ek taKHti par koi bhi phul mat toDe magar aandhi to an-paDh thi

so jab wo bagh se guzri koi ukhDa koi TuTa KHizan ke aaKHiri din the

jaane toḌe the kis ne kis ke liye

phuul mere gale paḌe hue the

jaane toDe the kis ne kis ke liye

phul mere gale paDe hue the

hichkiyoñ par ho rahā hai zindagī kā raag ḳhatm

jhaTke de kar taar toḌe jā rahe haiñ saaz ke

hichkiyon par ho raha hai zindagi ka rag KHatm

jhaTke de kar tar toDe ja rahe hain saz ke