اردو، انگلش اور ہندی میں تَوْکُل کے معانیدیکھیے

توکل اس لفظ میں سوم مضموم مشدد ہے، بروزن ’’تکلف‘‘، لیکن بعض لوگ اسے سوم مفتوح کے ساتھ بروزن ’’توَلاّ‘‘ بولتے ہیں۔ اس کی وجہ شاید یہ ہے کہ وہ اسے عربی فقرے تَوَکَّلتُ عَلی اللہِ پر قیاس کرتے ہیں۔ تنہا’’توکل‘‘ بولیں تو اس کا تلفظ ’’تولا‘‘ کے وزن پر، یعنی سوم مفتوح کے ساتھ ٹھیک نہ ہوگا۔ لیکن ’’اللہ توکل‘‘ میں ’’توکل‘‘ کا تلفظ سوم مفتوح کے ساتھ ہی درست ہے، کہ یہ اسی طرح رائج ہے۔ مثلاً : ’’مرتا کیا نہ کرتا، اللہ توکل نکل کھڑا ہوا۔‘‘ یہاں ’’توکل‘‘ کا تلفظ مع سوم مفتوح ہی درست ہے۔

ماخذ: لغات روز مرہ    
مصنف: شمس الرحمن فاروقی