हिन्दी, इंग्लिश और उर्दू में सफ़ील के अर्थदेखिए

صفیل اول مفتوح، یائے معروف۔ انشا نے لکھا ہے کہ اہل دلی’’فصیل‘‘ کو’’سفیل/صفیل‘‘ بولتے ہیں، اور یہی فصیح سمجھا جائے گا۔ یہ تلفظ دہلی کے باہر نہ پہلے سنا گیا اور نہ اب پرانی دلی کے لوگوں کے علاوہ کوئی اسے برتتا ہے۔ اس تلفظ کو اب دہلی کی علاقائی زبان قرار دینا چاہیے، لیکن ممکن ہے سو برس ادھر یہ دہلی کے باہر بھی مروج رہا ہو۔ شیخ تصدق حسین لکھنوی کی داستان’’آفتاب شجاعت‘‘، جلد سوم (مطبوعہ ۲۰۹۱)کے صفحہ ۶۴۹ پر ہے: ایک جوان تاجدار صفیل قلعہ پر زیر نمگیرۂ زربفتی کھڑا ہوا ہے ۔ عبد الرشید نے لکھا ہے کہ یہ لفظ کئی لغات میں ہے اور دہلی کے سن رسیدہ لوگوں، خصوصاً عورتوں میں اب بھی سنا جاتا ہے۔ ایک بات یہ بھی ہے کہ اردو میں بعض الفاظ کا عوامی تلفظ ایک دو حرفوں کی تقدیم و تاخیر سے بھی رائج ہے۔ دیکھئے’’تقدیم و تاخیر حروف، تلفظ میں‘‘۔

ماخذ: لغات روز مرہ    
مصنف: شمس الرحمن فاروقی