हिन्दी, इंग्लिश और उर्दू में हौदी के अर्थदेखिए

ہودی اول مفتوح، مونث۔ راہگیروں وغیرہ کے پانی پینے کی خاطر سر راہ بنا ہواچھوٹا حوض دہلی میں ’’ہودی‘‘ کہلاتا ہے۔ بلاد مشرق میں یہ لفظ جانوروں کے پانی پینے کی ناند کے لئے بولا جاتا ہے۔ اس لفظ کا اندراج نہ’’آصفیہ ‘‘ میں ہے نہ ’’نور‘‘ میں۔ شیکسپیئر اور پلیٹس میں بھی نہیں ہے۔ بظاہر یہ ’’ہودہ‘‘ کی تصغیر ہے، اور’’ہودہ‘‘ خود ’’حوضہ‘‘ کے عربی تلفظ کی نقل ہے۔ دیکھئے، ’’کھیل‘‘، دیکھئے،’’ہودہ‘‘۔

ماخذ: لغات روز مرہ    
مصنف: شمس الرحمن فاروقی