اردو، انگلش اور ہندی میں بے پَناہ کے معانیدیکھیے

بے پناہ ظاہر ہے کہ جس چیز سے پناہ نہ مل سکے اسے ’’بے پناہ‘‘ کہیں گے۔ استعاراتی طور پر یہ فقرہ بعض صفات کی کثرت اور شدت ظاہر کرنے کے لئے استعمال کیا جاتاہے۔ شرط یہ ہے کہ وہ صفاتی الفاظ ایسے ہوں جن سے پناہ مانگنے، یا جس میں وہ صفت ہو اس شے کے ساتھ پناہ کا تصور بھی ممکن ہو۔ مثلاً: صحیح: میں تو بہت زیادہ/بے حد/انتہائی تھکا ہوا تھا۔ مندرجہ بالا تمام استعمالات صحیح ہیں۔ ادھر چند دنوں سے یہ فقرہ اسما کی صفت کے طور پر استعمال کیا جانے لگا ہے اور اس کے معنی’’بہت، بہت زیادہ، حد سے بڑھ کر‘‘ اور کبھی کبھی’’بہت ہی خوب‘‘ مراد لئے جانے لگے ہیں اور امکان ہے کہ اس کے اصل معنی کو پس پشت ڈال دیاجائے۔ مندرجۂ ذیل پر غور کریں: غلط: وہ لڑکی بے پناہ خوبصورت ہے۔ صحیح: اس لڑکی میں خوبصورتی بے پناہ ہے۔ غلط: اقبال نے اپنے بے پناہ اسلوب کی وجہ سے۔۔۔ صحیح: اقبال کے اسلوب کی بے پناہ خوبصورتی کی وجہ سے۔۔۔ غلط: آج وہاں بے پناہ بارش ہوئی۔ صحیح: آج وہاں بے حد بارش ہوئی۔ غلط: میں تو بے پناہ تھکا ہوا تھا۔ بے پناہ تیزی، بے پناہ خوبصورتی /حسن، بے پناہ قوت، وغیرہ۔

ماخذ: لغات روز مرہ    
مصنف: شمس الرحمن فاروقی