تلاش شدہ نتائج

محفوظ شدہ الفاظ

"ساتھ" کے متعقلہ نتائج

بے اعتباری

ناقابل یقینی، عدم اعتماد، بھروسہ نہ کرنا

اِعْتِبارِ و بے اِعْتِباری

trust and distrust

ساتھ سے متعلق کہاوتیں

ساتھ

اصل: سنسکرت

'ساتھ' پر مشتمل اردو کہاوتیں

اَب کی بات اَب کے ساتھ جَب کی بات جَب کے ساتھ

جو کچھ تھا وہ گزر گیا اب جو رنگ زمانے کا ہے ویسا کرنا چاہیے

آگ اَور رُوئی کا کیا ساتھ

متضاد مزاج والوں کی دوستی قابل اعتبار نہیں، دشمنوں کا کیا میل ملاپ

آم مچھلی کا ساتھ ہے

بہت دوستی ہے، لازم و ملزوم ہیں، اچھا جوڑ ملا ہے

آم مَچھلی کا کیا ساتھ نَہ ہوگا

جب کوئی کسی کو زک دے کر چل دیتا ہے یا چھپ رہتا ہے تو زک اٹھانے والا کہتا ہے کہ ’آم مچھلی کا کیا ساتھ نہ ہوگا ‘ یعنی پھر کبھی ملاقات تو ہوگی اس وقت سمجھ لوں گا

اوچھے کے ساتھ اِحْسان کَرنا اَیسا جَیسا بالُو میں مُوتْنا

جیسے ریت پر پیشاب کا کوئی اثر نہیں ہوتا ویسے ہی اوچھے پر احسان کرنے کا کوئی اثر نہیں ہوتا

آئی جان کے ساتھ جائے گی جنازے کے ساتھ

اس کے متعلق کہتے ہیں جس کی عادت نہ بدلے

آئی ہے جان کے ساتھ جائے گی جَنازے کے ساتھ

مراد عادت ہے جو پوری زندگی چھوٹتی نہیں، پکی عادت بدل نہیں سکتی

بَرْسات بَر کے ساتھ

برسات کا مزا تب جب خاوند پاس ہو

بُرے کا ساتھ دے سو بھی بُرا

بُرے کا دوست یا ہم نشین بھی بُرا ہی ہوتا ہے

بِن بُلائی ڈومنی لَڑکوں بالوں ساتھ آئی

بے پوچھے کسی معاملے میں دخل دینے والے اور بے بلائے کسی کے گھر جانے والے کے لیے مستعمل

بھانْڈوں کے ساتھ کھیتی کِیا گا بَجا سَب اُنِھیں نے لِیا

ایسے لوگوں کے ساتھ کسی کام میں ساجھی ہونا جو نکمے ہوں سخت نقصان دہ ہے وہ کام بھی نہیں کرتے اور سب کچھ کھا پی جاتے ہیں .

بُھوک پِیاس اَللہ نے سَب کے ساتھ لَگا دی ہے

احتیاج ہر شخص کے لیے ہے ؛ ہر شخص کو کھانے پینے کی ضرورت ہوتی ہے .

بِھیْک مانگْنے چَلے اَور مَشْعَلْچی ساتھ

ذلیل کام کر کے شیخی بگھارنے کے موقع پر مستعمل

بُوڑھا چوچْلا جَنازے کے ساتھ

لبِ گور ہونے پر بھی بناؤ سن٘گھار، مرنے کو تو بیٹھے ہیں اور پھر پیرانہ ناز کرتے ہیں

پَنِیر کے ساتھ خُشْکا کھاؤ

اپنی راہ لو، اپنا کام کرو اور خوش رہو، چلو ہٹو

پِیت تو اَیسی کِیجئے جَیسے رُوئی کَپاس، جِیتے جی تو سن٘گ رَہے موئے پَہ ہووے ساتھ

محبت ایسی ہونی چاہیے جیسے روئی جیتے جی پہنی جاتی ہے اور مرنے پر کفن بنایا جاتا ہے

پیٹ تو سَب کے ساتھ لَگا ہُوا ہَے

ہر ایک کو کھانے کی ضرورت پڑتی ہے.

پَیدَل اور سَوار کا کیا ساتھ

امیر اور غریب کا کیا مقابلہ

پیسا گانْٹْھ کا، جورُو ساتْھ کی

روپیہ اور بیوی جو اپنے پاس ہو اپنے ہوتے ہیں

پیسا نہیں پاس، چلے نواب کے ساتھ

غریب ہو کر امیروں کی صحبت اختیار کرنا

تنگی کے ساتھ فراخی اور فراخی کے ساتھ تنگی لگی ہوئی ہے

کوئی ہمیشہ امیر یا غریب نہیں رہتا، حالت بدلتی رہتی ہے

ٹِھیکْرے میں دِیا ساتھ کھانے لَگا

کمینہ تھوڑی سی رعایت سے سر پر چڑھ جاتا ہے

ٹوٹی ٹانگ پاؤں نہ ہاتھ، کہے چلوں گھوڑوں کے ساتھ

ایسا کام کرنے کی کوشش اور تمنا کرنا جسے صلاحیت مند لوگ بھی نہ کر سکیں

جان کے ساتھ جیوڑا

مرتے دم تک گلے کا یہ پھندا نہیں چھوٹے گا

جان کے ساتھ دشمن لگا ہوا ہے

اس کا ایک جانی دشمن ہے

جاؤ نِیپال ساتھ جائے کَپال

کہیں بھی جاؤ قسمت ساتھ نہیں چھوڑتی، بدقسمت شخص کہیں کچھ نہیں کر سکتا

جب تک رِکابی میں بھات، تب تک میرا تیرا ساتھ

مطلب کی دوستی ہے، جب تک مطلب نکلتا رہے گا، ساتھ رہے گا، اپنا مطلب ختم ہوا اور دوستی ختم

جھوٹے کے ساتھ دوستی کیا لنگڑے کا ساتھ کیا، بہرے سے بولنا کیا گونگے کی بات کیا

ان باتوں کا کوئی فائدہ نہیں

جُھوٹےکی کیا دوسْتی ، لَنگْڑے کا کیا ساتھ ، بَہْرے سے کیا بولْنا ، گُونگے کی کیا بات

یہ سب باتیں فضول ہیں

جوکھوں بَھرنا جِینا سَب کے ساتھ

دنیا کے جھگڑے بکھیڑے کسی کو نہیں چھوڑتے

جوگی کی کیا مِیت اَور قَلَنْدَر کا کیا ساتھ

ان دونوں کی دوستی کا کوئی اعتبار نہیں

جُولاہے کی مَسْخَری ماں بَہَن کے ساتھ

رک : جلاہے کی مسخری الخ ، شہدہ کی بات چیت میں بھی گالی گلوچ نکلتی ہے.

چَنبیلی چاؤ میں آئی لَڑکے بالے ساتھ لائی

(عو) کمینے کو من٘ھ لگاؤ تو سر پر چڑھتا ہے.

حُکْم کے ساتھ سَب کُچْھ مَوجُود ہے

حاکم کے لیے سب چیز تیار ہے ، حُکم ہی ہر چیز آجاتی ہے

حَلْوائی کے جائی سووے ساتھ قَصائی

خاندانی آدمی ذلیل اور بے عزتی کا کام کرے تو کہتے ہیں

خُشْکَہ کھاؤ پَنِیر کے ساتھ

چلو ہٹو ، سر کو ، خود کماؤ کود مزے سے کھاؤ ،اپنا رستہ لو ، رُخصت ہو ، چمپت ہو ، چونکہ بے محل بات کا یہ جواب ہوتا ہے اس لئے پنیر اور خشکہ یعنی بے مثل چیزوں کا نام لیا جاتا ہے

دُعا اَور دَوا ساتھ چَلْتی ہے

دوا اور خدا سے التجا ضروری ہے

دُکھ سُکھ ساتھ لَگا ہُوا ہے

ہر شخص کو تکلیف بھی ہوتی ہے اور آرام بھی مَلتا ہے

دَمَوی دَم کے ساتھ

دمہ کا مرض مرتے دم تک نہیں جاتا .

دَھر چل سر کولہو کی لاٹھ، مت چل ساتھ کچال کے باٹ

بُری صحبت سے موت بھلی، سر پر کولہو کی لاٹھ رکھ کر بھلے ہی چلے مگر بُرے آدمی کی صحبت اختیار نہ کرے

دِیا ٹِھیکْرے میں ، لَگے ساتھ کھانے

غصّے یا حقارت کے موقع پر مستعمل ہے جب کوئی ادنیٰ آدمی اپنے کو بڑوں کے برابر کا سمجھنے لگے یا اپنے کو ان کا ہم پلّہ شمار کرنے لگے ، بڑوں سے برابری کا دعویٰ کرنے لگے اس وقت کہتے ہیں.

دیا دور سے، لگی ساتھ کھانے

کمینے کو منہ لگاؤ تو سر چڑھ جاتا ہے، ذرا سی مہربانی کرو تو نا جائز فائدہ اٹھاتا ہے

دیبی مَدار کا کَون ساتھ

مختلف طبائع کے لوگوں میں موافقت مشکل ہے، برے اور بھلے کا ساتھ نہیں ہوتا

رانڈ رووے کنواری رووے، ساتھ لَگی سَت خَصمی رووے

رانڈ روتی ہے کہ اس کا خاوند مر گیا کنواری روتی ہے کہ اس کا باپ مر گیا ست خَصمی کیوں روتی ہے

رَتّی بَھر دَھن ساتھ نَہ جاوے، جَب تُو مَر کر جِیو گَنواوے

مرتے وقت ذرا سی دولت بھی ساتھ نہیں جاتی اس لیے دولت پر بھروسہ اور مان نہیں کرنا چاہیے

رِکابی میں جَب تَک بھات ، میرا تیرا ساتْھ

فائدہ کا لالچ رکھتا ہے ، مطلب کا یار ہے .

رُوئی اَور آگ کا کیا ساتھ

کمزور و ناتواں کا قوّت والے سے کیا مقابلہ

ساتھ جورُو خَصَم کا

اصل رفاقت بیوی اور خاوند کی ہی ہوتی ہے.

ساتھ سو ، پیٹ کا دُکھ

عورت مرد اگر اِکھٹے سوئیں تو عورت حاملہ ہو ہی جاتی ہے اور حمل کی تکلیف اُٹھانی پڑتی ہے.

ساتھ سونا اَور مُنھ چُھپانا

بڑا کام کرلینا اور معمولی کام سے پرہیز کرنا.

حوالہ جات: ریختہ ڈکشنری کی ترتیب میں مستعمل مصادر اور مراجع کی فہرست دیکھیں ۔

بولیے

Delete 44 saved words?

کیا آپ واقعی ان اندراجات کو حذف کر رہے ہیں؟ انہیں واپس لانا ناممکن ہوگا۔

منسوخ کیجیے حذف کیجیے

Want to show word meaning

Do you really want to Show these meaning? This process cannot be undone

Cancel Done