تلاش شدہ نتائج

محفوظ شدہ الفاظ

"مَوت" کے متعقلہ نتائج

تَجَرُّد

بن بیاہتا پن، اکیلا پن، تنہائی، مجرد پن، علیحدگی

مَوت سے متعلق کہاوتیں

مَوت

اصل: عربی

'مَوت' پر مشتمل اردو کہاوتیں

اُت اَوکَھد کُچھ کام نہ آوے، مَوت پَکَڑ جی جس کا لیْوے

موت کا کچھ علاج نہیں، موت کے سامنے چھوٹے بڑے کسی کی نہیں چلتی

پتھر مارے موت نہیں

برے آدمی کی عمر لمبی ہوتی ہے، برے پر کسی بات کا اثر نہیں ہوتا

تِنْکا ہو تو توڑ لُوں پِیت نَہ توڑی جائے، پِیت لَگَت چُھوٹَت نَہیں جَب لَگ موت نَہ آئے

موت آنے تک محبت نہیں جاتی

تھوڑا کھانا جوانی کی موت

جوان آدمی کے لئے کم خوراک نقصان دہ ہے

چیونٹی کو جو موت آنی ہوتی ہے، پر نکلتے ہیں

موت کا وقت قریب آ گیا

چِیُوْنٹی کو مَوت کا تَریڑا بَس ہے

تھوڑی آفت بھی غریب کو برباد کر دیتی ہے

چِیُوْنٹی کو مَوت کا ریلا بھی بَہُت ہے

تھوڑی آفت بھی غریب کو برباد کر دیتی ہے

چیونٹی کے پر نکلے اور موت آئی

موت کا وقت قریب آ گیا

حِیلے رِزْق بَہانے مَوت

رزق اور موت کے لیے بہانہ درکار ہے (ادنیٰ سی بیماری سے مر جانے یا تھوڑی سی محنت سے بہت سا رزق مل جانے کے موقع پر بولتے ہیں)

دَھولا بال موت کی نشانی

سفید بال نظر آئے تو سمجھنا چاہیئے کہ اب موت قریب ہے

رِزْق ہے نَہ مَوت

بڑا بد قسمت ہے موت بھی نہیں آتی کہ فاقہ کشی کی مصیبت سے چھٹکارا ہو

سَب سَنْسار موت کا کھاجا، جَیسے گَدْوا وَیسے راجا

بادشاہ ہو یا فقیر ، موت سب کے لیے اٹل ہے.

سِفْلَہ کی مَوت ماگھ

غریب کو سردیوں میں بہت تکلیف ہوتی ہے ۔

سَمَجْھنے والے کی مَوت ہے

دانشمند کے لیے ساری آفتیں ہیں، عقل مند کو بڑی دقتوں کا سامنا کرنا ہوتا ہے

کُتّے کو مَوت آئے تو مَسْجِد میں مُوت جائے

جب برے آدمی کی موت آتی ہے تو وہ برا کام کرتا ہے، مصیبت آنے کو ہو تو خطرے کی طرف بھاگتا ہے

کُتّے کی مَوت آئے تو مَسْجِد کی طَرَف بھاگْتا ہے

خود جان جوکھوں میں ڈالنا یا خطرے میں پڑنا

کھیل لَڑکوں کا مَوت چِڑِیوں کی

ایک شخص کے لیے تماشا ہوتا ہے دوسرے کے لیے مصیبت ہوتی ہے ، کسی کی جان پر بَنتی ہے کوئی لطف اٹھاتا ہے.

کَون سا گَھر ہے جِس میں مَوت نَہِیں آئی

مصیبت اور تکلیف سے کوئی جگہ خالی نہیں

کَونْسا گَھر ہے جِس میں مَوت نَہیں آتی

موت ہر جگہ آتی ہے، ہر جگہ رہنے والے مرتے ہیں.

گاہَک اَور مَوت کا ٹِھیک پَتا نَہیں کَب آئے

گاہک اور موت کسی وقت بھی آ سکتے ہیں اس لیے ہر وقت تیار رہنا چاہیے.

گاہک اور موت کا ٹھیک پتہ نہیں کب آوے

دونوں کے آنے کا کوئی وقت نہیں، کسی وقت آجائیں

مَرد کی مَوت نا مَرد کے ہاتھ

کبھی کمزور آدمی طاقتور آدمی کو مار لیتا ہے ۔

مُنہ کی مانْگی مَوت نَہِیں مِلتی

رک : منھ مانگی موت نہیں ملتی ۔

منہ مانگی موت تو ملتی ہی نہیں

خواہش کے مطابق کام نہیں ہوتا، جو خدا چاہے وہی ہوتا ہے

مُنہ مانگی مَوت مِلتی ہے ، مُراد نَہِیں مِلتی

عاجزی کے وقت عورتیں اپنے لیے بددعا کے طور پر کہتی ہیں.

مُنہ مانگے مَوت نَہِیں مِلتی

ہر کام حسب خواہش نہیں ہوتا ، کسی کام کے نہ ہونے کا رنج ہونے پر کہتے ہیں ۔

مُنہ مانْگی مَوت نَہِیں مِلْتی

۔مثل۔ خواہش کے موافق کام نہ ہونے سے رنج نہہونے کے لےے بولتے ہیں۔

مَوت اَندھی ہوتی ہے

موت ہر ایک کو ضرور آنی ہے، جو پیدا ہوا اسے مرنا بھی ہے

مَوت اَور گاہَک کا کوئی اِعْتِبار نَہیں

مرنے کے لیے ہر وقت تیار رہنا چاہیے معلوم نہیں کس وقت موت آ جائے یہی حال گاہک کا ہے لہٰذا دکان دار کو بھی ہر وقت دکان پر موجود رہنا چاہیے

مَوت بَھلی کہ جان کَنْدَنی

نزع کی تکلیف سے موت بہتر ہے ، روز روز کی تکلیف اور الجھن سے تو مر جانا ہی بہتر ہے

موت بھلی کی جان کندنی

روز روز کی تکلیف سے مر جانا ہی بہتر ہے

مَوت حَق ہے

موت سچ ہے، موت اٹل حقیقت ہے، موت لازماً آئے گی اُس سے بچا نہیں جا سکتا

مَوت دِیجو پَر مور نَہ دِیجو

بازار مندہ ہونے سے موت بہتر ہے

موت سر پر کھیلتی ہے

موت ہر وقت قریب ہے کسی وقت آجائے

مَوت سے مَفَر نَہِیں

مرنے سے کوئی نہیں بچ سکتا ، سب کو فنا ہونا ہے

مَوت کا گَھر گھاٹ نَہِیں

موت ہر جگہ آتی ہے اس کا کوئی مقام نہیں ہے

مَوت کھا گَئی

مر چکا ، مارا گیا

مَوت کَہو تو بِیماری مانْتا ہے

مشکل کام پر پکڑیں گے تو آسان کام پر راضی ہوگا

مَوت کو پَکْڑا تو بُخار پَر راضی ہُوا

مشکل کام پر پکڑیں گے تو آسان کام پر راضی ہوگا ، جب آدمی بڑی مصیبت میں گرفتار ہوتا ہے تو تھوڑے سے دکھ اور محنت کو غنیمت سمجھتا ہے

مَوت کو پَکْڑا تو زَحْمَت قُبُول کی

انسان کی فطرت ہے کہ مشکل کام پر مجبور کریں گے تو اس سے آسان کام پر راضی ہوگا

مَوت کے آگے کِسی کا بَس نَہِیں چَلْتا، مَوت کے آگے سَب ہارے

موت سے کوئی نہیں بچ سکتا، موت سب کو شکست دیتی ہے، ہر جاندار کو مرنا ہے، کوئی موت سے نہیں بچ سکتا

مَوت کی دارُو کوئی نَہیں

موت کا کوئی علاج نہیں ہے، ہر شخص کو مرنا ہے

مَوت کی گَھڑی سَر پَر کَھڑی ہے

موت ہر وقت قریب ہوتی ہے، موت کسی وقت آ جائے گی

مَوت گھات میں ہے

موت تلاش میں ہے ، موت بہانہ ڈھونڈتی ہے

مَوت نَہِیں زَحْمَت ہے

حق نہیں مارا جاتا دیر البتہ ہے

مُوسیٰ ڈَرا مَوت سے اَور آگے مَوت کَھڑی

موت سے چھٹکارہ ممکن نہیں ۔

ہَر حِیلے رِزق ہَر بَہانے مَوت

موت اور روزی ہرحال میں آتی ہے ، روزی اور موت کے لیے بہانہ چاہیے ہوتا ہے ، ذراسی بیماری سے آدمی مر سکتا ہے اور ذرا سی محنت سے روزی مل سکتی ہے (رک : حیلے رزق بہانے موت) ۔

وَہْم کی دارُو مَوت ہے

وہم کا کوئی علاج نہیں ہے، وہم دواؤں سے دور نہیں ہوتا

حوالہ جات: ریختہ ڈکشنری کی ترتیب میں مستعمل مصادر اور مراجع کی فہرست دیکھیں ۔

بولیے

Delete 44 saved words?

کیا آپ واقعی ان اندراجات کو حذف کر رہے ہیں؟ انہیں واپس لانا ناممکن ہوگا۔

منسوخ کیجیے حذف کیجیے

Want to show word meaning

Do you really want to Show these meaning? This process cannot be undone

Cancel Done

Download Mobile app

rd-android-app rd-ios-app
اردو
Saved Words No saved words yet

ریختہ ڈکشنری کا تعاون کیجیے- اردو کو فروغ دینے کے لیے عطیہ کیجیے

ریختہ ڈکشنری اردو زبان کے تحفظ اور فروغ کے لیے ریختہ فاؤنڈیشن کا ایک اہم پہل ہے۔ ریختہ ڈکشنری کی ٹیم ڈکشنری اور اس کے استعمال کو مزید سہل اور معنی خیز بنانے کے لیے پورے انہماک کے ساتھ لگی ہوئی ہے۔ برائے مہربانی ریختہ ڈکشنری کو دنیا کی بہترین سہ لسانی لغت بنانے میں اپنے عطیات سے نواز کر ہمارا تعاون کیجیے۔ عطیہ دہندگان سیکشن 80 G کے تحت ٹیکس مراعات کے مستحق ہوں گے۔

Donate Now donate-img1 donate-img2