Meaning ofSee meaning nasiiba in English, Hindi & Urdu

نصیبہ عربی ’نصیب‘‘ پر فارسی کے طرز میں ہائے ہوز کا اضافہ اردو والوں نے کرکے’’نصیبہ‘‘ بنا لیا ہے۔ فارسی میں’’نصیبہ‘‘ نہیں ہے۔ بعض لوگوں کی رائے میں اسے الف سے لکھنا چاہئے، لیکن یہ محض زیادتی ہے۔ فارسی اردو میں ایسے کئی لفظ رائج ہیں جن میں فارسی والوں نے ہائے ہوز بڑھا لی ہے، مثلاً ’’موج/موجہ‘‘، ’’غرق/غرقہ‘‘۔ پھرہم لوگ اگر ’’نصیب/نصیبہ‘‘ بنالیں تو اس میں کیا قباحت ہوسکتی ہے؟ اگر معاملہ ہائے مختفی کا ہے، تو بھی’’نصیبہ‘‘ کو الف سے لکھنے کا کوئی حقیقی جواز نہیں۔ دیکھئے، ’’آوازہ‘‘، دیکھئے،’’ہائے مختفی‘‘۔

ماخذ: لغات روز مرہ    
مصنف: شمس الرحمن فاروقی